Date : 2010 Sep 6 , 6pm at Causeway Bay
Film : Px – 600 film
Camera: Polaroid 636 close up
(百貨公司內的貨物花多瞭亂, 翻新舊貨的小生意廣告只能依附在公家的燈柱之上,
就算鬧市班馬線行人絡繹不絕, 對單張視而不見. )
蘇菲向來不是攝影發燒友, 亦不是專家, 點解呢幾日我講Poloaroid嘅嘢, 朋友也有點不解.
謎底: Polaroid呢個case 勾起咗我諗好多嘢.
不穩守核心價值的後果 – Polaroid落得破產收場 , 香港過多二十年會變成點…真係唔知..
Source:
| 明報: 寶麗來回來了 即影即有 香江重生 |
http://ol.mingpao.com/cfm/prod13.cfm?File=20091027/prb03/vaa1h.txt
“Tomaselli說：「Polaroid是全球知名的品牌，之前落得申請破產保護、關掉菲林廠，是錯在忘了本身的核心價值，走去跟高科技品牌如Sony
比併，自然是自討苦吃，Summit買下Polaroid的5年經營權，其中目標就是把Polaroid帶回基本。”
“核心價值：可一不可再
不過Giovanni Tomaselli多番提到核心價值，那他看來Polaroid的核心價值又是什麼？「即影即有！那份即時性，那種只有一次的感覺，就是Polaroid的核心。」這倒是沒疑問的，寶麗來相機，按下快門後就只有一張，沒有重複，而期待顯影的效果也非今日數碼相機可比擬。不過Giovanni Tomaselli倒不討厭數碼化，因為在他看來，並不影響Polaroid的核心價值——即影即有。
「正如之前所說，Polaroid的核心是即影即有，菲林還是數碼其實無關重要，今次Polaroid回歸，除了會重新推出菲林產品如Polaroid One、Polaroid 600菲林外，也會推出數碼版即影即有的Polaroid TWO（也稱Polaroid PoGo），未來更有連屏幕的Polaroid THREE，全是即影即印相產品。」”
就算好彩等到義士出手相救, 一般人付出嘅代價都好大.
菲林停產之後, 依家市面一般係賣緊09年9月過期的彩色菲林 , 賣到成HKD300 一盒, 一盒十張 , 即係一張相HKD30. 呢批貨, 消耗完就無o架啦.
接手研製新菲林的Impossible project 喺日本同南韓都有開retail store, 但香港無開? 點解?
點解一間廠房在荷蘭嘅歐洲公司, 唔係香港呢個英語係官方語言嘅so called 亞洲國際都會落腳 , 而只肯去南韓日本開鋪?
因為租貴? 因為香港人太貪新忘舊, 大家都係不停追求什麼都有最新的, 不懂得珍惜舊有美好的事物? 因為香港嘅population太細, 市場太小, 而大陸同胞人人忙緊追最新嘅DSLR, support唔到一間只賣菲林的小店?
Impossible 的網上店, 一盒px 600賣USD22 – 大約HKD170. 在香港 網購的成本不菲.,因為運費成HKD350 .
香港的店鋪依家賣HKD200-220一盒, 比Worldwide 嘅店貴成50元 for 8張菲林, 香港人少少地影一輯相, 就已經比日本同南韓成本高咗成幾舊水.
香港的創意人 想bid 亞洲區嘅client來做, 未開始交手, 就已經蝕咗章.
最近蘇菲因為工作關係, 接觸到一些亞洲區的creative professional, 越來越覺高踞不下的地價係萬惡之源.
香港的創意人才, 如果個人能力不能達到亞洲區的最高水平, 根本無條件同人爭. [但幾難先做到Asia number 1?]
爭效率, 日本人不見得比香港差, 但論服務態度同處理細節則比香港好得多. 香港唯一的優勢只在英語好少少. 國際級的機構, 又會搵成本低d , 英文平均好香港好多的星加坡來做嘢. 爭價錢係無可能, 香港租超級貴, 人工也貴, 搞到樣樣都貴, 唯一可以cut..悲哀地..就係創作人嘅人工, 即係就算俾你咁叻衝到出去, 你都係無啖好食.
當然, 也有網民曾喺網上組織團購impossible 的菲林, 大家動腦筋去解決難題. 只不過, 這種鬆散和難以預測的組織, 係唔穩定嘅.
今天, 我再上去那間專賣Polaroid 菲林的小店看看, 朋友第一次上去, 同我第一次上去, 講咗同一句話, 呢度d 租好貴 .
租貴對租客當然係好大的挑戰, 數口稍為無咁”精 ” 就好易被淘汰. 同一間旺鋪位的租客就像走馬燈轉個不停.
價值觀甚至品牌的建立, 不是一朝一夕的事, 是很長線的工作.
緊守核心價值, 不隨波逐流, 換來的卻可能係短期內交唔起不斷上升的租金, 搞到有些事明知飲鳩止喝也要照做, 年老的人反正快要見上帝可能無所謂, 但正值壯年的我們, 怎樣走出這種困局? 唯有變成一個沒有原則的醒目仔女– 或者一隻變色龍.
我之前寫過嘅文章:
[1] polaroid 1 – 專賣Polaroid相機和菲林的小店
http://ccsophie.wordpress.com/2010/09/08/polaroid/
相關連結:
[...] http://ccsophie.wordpress.com/2010/09/10/polaroidvalues/ [...]