政改API侮辱香港人母親 [要睇埋英文版!]

片1:信任讓夢想成真

**呢條片要login先可以dislike, 數分鐘前, like有8個,dislike有三百六十幾個.

這個廣告的混帳之處, 係竟敢將中共政權比喻做母親, 直頭係侮辱全香港人的母親, 更矮化了香港人. 香港人點解要自認做中共政權的”乾兒子”?

我真係好想鬧爆寫呢條稿嘅寫手.

留意

1.片入面個阿媽, 唔肯出口承諾

2. 高登網友已指出, 個女要紅色裙, 阿媽就整條紫色裙

3. 個女拎到條裙時, 係有賣口總乖講, “好靚呀” , 但當阿媽問”睇吓啱唔啱? ” 個女係無出聲嘅, 只係眼神瞹眛.

[更新:

4. 留意開頭, 係個女嘅同學話"畢業可以著呢條裙就好啦" , 唔係個女自發話要著, 估計係想講香港人受西方民主國家影響, 唔係港人自發想要普選]

5. 網友提供: “除了顏色問題，女兒的設計是粗絲帶束腰，但結果媽媽造的是老土飾花放在腰中間。”

依家香港人就好似大陸解讀緊領導人引用嘅詩詞歌賦嘅情況, 一條API都搞到咁”微言大義”, 以後政府API咪要搞到大家要好似專業剪片師咁逐格睇片]

這是什麼樣的政治公關呀….

可能1a : …成班友趕住出條片, 條片連唔連戲都唔理..
可能1b: 成班睇片嘅製作人, IO同高官都係色盲
可能2 : 政府入面有無間道, 暗示根本中央政府俾香港人嘅野, 最終只會貨不對辦, 香港人到時也不會講出真心話.

個人覺得可能2 機會好大.

Comment:

1. 個女好死蠢, 問”媽咪, 你估做唔做到呢”, 你應該同媽咪講, 媽咪我要著呢條裙.

2. 你媽咪真係咁勁, 接得出面嘅job做wedding, 佢點會唔識做. 佢唔做只係因為佢唔肯做.

3. 就快中學畢業, 連畢業裙都唔敢自己決定, 要問阿媽, 又要問阿媽識唔識/得唔得閒做. 點解一個象徵大個女嘅重要時刻, 仲要靠其他人? 自己買裙, 自己搵人做就得啦.

英文版:

政府API英文版問題: caption漏咗好重要message :

留意: 0035 , 張日曆post- it note 寫住”明天畢業party” , 但無caption , 無subtitle, 英文人睇咗都唔明件事嘅急切性. 阿媽從無明示幾時整起件衫, 係畢業舞會之前個晚, 阿媽都係未整/未整好, 係咁拖….要第朝個女瞓醒先有得睇, 到時..都無得揀啦.

Comment :

可能:

1. 香港國際都會政府的英文廣告, 質素還不如大陸網民翻譯電影字幕來得仔細
2. 香港國際都會政府的官員, 根本就忽略視非華語市民嘅需要
3. 政府唔想外國人明白, 政改的需要於香港人係迫在眉睫, 香港人已經等咗好耐,  故意略去這重要一筆

片2 : 原地踏步 點會有進步

條片個男人講嘢有吓跳線, 是人肉錄音機的跡象..

相關資料:

[1] 政府新聞網 – 政改短片上載YouTube

政府新聞處YouTube頻道上載了《信任讓夢想成真》及《原地踏步 點會有進步？》兩套短片，呼籲公眾支持2012年行政長官及立法會產生辦法的建議方案。該兩套短片由政制及內地事務局製作，備有中、英語版本。市民也可在該頻道觀看其他政府宣傳短片。

http://news.gov.hk/tc/category/administration/100518/html/100518tc01004.htm

[2] 肥醫生  -香香的晚裝裙

結果，就算香香多番爭取，就算有五十萬同學上街去提鍾太要為香香整條晚裝裙，鍾太也未曾正視，結果到零八年，「霜泡選」裙還是未能夠完成，原因是「香香根本未配去著那條裙」。結果等呀等，香香貼了一張字條提一提鍾太說，二零一二也快到了，可將「霜泡選」裙完成吧？

鍾太不耐煩，於是「的」香香入內訓話，說，「霜泡選」裙一早已經為你做好了，只要等二零一七甚二零年，你就可以穿！

香香帶著無奈和憤慨，自八八年開始等，今天她已經不再是十六歲！香香說，好，我等，也讓我看看設計進度吧！

鍾太帶了香香一看，香香看了那「霜泡選」裙，雙眼發光！原來，裙就沒有了，就只有爛底褲一條，還要是穿了洞的。

http://doctorfat.wordpress.com/2010/05/18/香香的晚裝裙/

[3] ” Triumph of the will”導演資料:

http://en.wikipedia.org/wiki/Leni_Riefenstahl

我之寫過嘅相關文章:

[1] 官方網頁也說: 2010立法會補選 – “為什麼要投票? 履行公民責任”

http://ccsophie.wordpress.com/2010/05/16/yvoteofficial/

[2] 假如今日出來投票嘅人, 七一出晒嚟遊行, 會有咩後果? [投票率: 17.1%]

http://ccsophie.wordpress.com/2010/05/17/rate/

[3] consult or insult? 網民是洪水不是猛獸

http://ccsophie.wordpress.com/2010/02/06/consultinsult/