不得不服陳志雲

Source: 有線新聞 陳志雲記者會 (足本)
http://cablenews.i-cable.com/webapps/news_video/index.php?news_id=328302&category=
陳志雲話因為整理儀容剃鬚刮親塊面, 聽到現場即刻有人大笑. 佢塊面嘅痕都復原得幾快喎...
定係因為佢天生面皮成尺厚, 不能用常理來度之?

傳媒向來指陳志雲EQ極高, 今次記者會好好嘅證明.

不得不服佢依家風頭火勢都仲有膽行出來, 高調還擊. 
佢依家係度講佛偈, 一來係唔想記者再日夜跟佢, 影響佢個人同朋友嘅生活, 
二來係今日幾乎本本雜誌都拎佢嘅個人感情大書特書做封面, 
佢所以要講"真的假不了,假的真不了" 加埋記者影唔到佢去公立醫院覆診做事例, 來出手止血.

蘇菲認為,佢最重要嘅message係: 佢活得很好, 處變不驚, 唔會放棄自己. 
既可向報寸者/敵人/仇家唔好咁得意. 同埋亦為咗" I will be back" 鋪路.
做大機構行政人員, 做咗壞事唔緊要, 只緊要唔好俾人覺得你核突.

前廣播處長朱培慶要下台唔係衰去滾, 而係衰俾人撞破唔夠鎮定, 仲要嚇到醜態盡出. 
俾我係老板, 點會覺得你做到大事?
香港好多大老板, 做過嘅衰嘢點會止貪污一樣, 再下三濫嘅都做過, 只要你幫佢搵到一舊大嘅錢,
佢未必會介意你撈番少少油水, 只要你唔好太揚同太過份.

假設陳志雲真係要坐監, 出來之後, 唔代表佢嘅事業完咗. 
保住氣定神閒嘅高人形象, 對日後復出大有幫助.

假設陳志雲係清白嘅, 咁佢就更加唔會俾自己好唔抵咁蝕咗形象, 
令自己唔好成為人民公審嘅受害者, 唔再俾放料嘅人做主動, 處於捱打狀態.

陳志雲政務官加商營傳媒機構嘅訓練, 練就這一張厚面功夫固然唔易, 
但思慮嘅深遠同埋o個種永不放棄嘅精神好明顯係個人修為. 

過往蘇菲就係少咗呢種境界, 喺電視台工作時俾人整得好慘.
當年, 蘇菲死忍咗好耐, 結果都係要"伴"死還拖, 
才能令一d賤人停一停手, 唔駛日日番工過住俾人抹黑嘅生活.
所以, 蘇菲今天真的大開眼界, 對陳志雲先生的EQ同智商(絕對唔包道德操守)由衷拜服.

Further information:
[1] 陳志雲2010年3月18日記者會- 講話全文
http://www.881903.com/Page/ZH-TW/newsdetail.aspx?ItemId=211175


我寫過嘅相關文章:
[1]人民公審陳志雲
http://ccsophie.wordpress.com/2010/03/17/trialbywhat/
[2]東窗事發 - 和珅性命堪虞?
http://ccsophie.wordpress.com/2010/03/13/corruption/